Beneficiarios e requisitos
A axuda concederáselles aos/ás agricultores/as de carne de vacún polas cabezas sacrificadas dentro dalgún dos seguintes sistemas de calidade recoñecidos oficialmente mediante a correspondente norma legal:
De ámbito comunitario:
- Indicacións xeográficas protexidas
- Denominacións de orixe protexidas
- Gandaría ecolóxica
De ámbito nacional:
- Gandaría integrada.
- Etiquetaxe facultativa da carne que implique uns requisitos superiores aos esixidos na normativa xeral. Neste caso, soamente poderán aceptarse os que cumpran o establecido no artigo 62º.1.e) do Real decreto 202/2012, do 23 de xaneiro.
Soamente se admitirán animais cebados e sacrificados en España dentro dalgún sistema de calidade de carne recoñecido oficialmente en España.
Para a realización do pagamento, os/as responsables dos consellos reguladores das indicacións xeográficas protexidas, das entidades que acrediten a produción gandeira ecolóxica, gandería integrada e os/as responsables dos pregos de etiquetaxe facultativa comunicaranlle ao Fogga, antes do 1 de febreiro de 2014, a información necesaria sobre os animais sacrificados durante o período do 1 de xaneiro ao 31 de decembro de 2013 dentro destes programas de calidade, segundo os datos mínimos do anexo 14.
Deberase solicitar a axuda nos lugares e prazos establecidos, presentando a documentación prevista nos modelos de solicitude.
Obxectivos
Incentivar a mellora da calidade e a comercialización da carne de vacún.Importe das axudas
O Ministerio de Agricultura, Alimentación e Medio Ambiente establecerá anualmente a contía do pagamento adicional por cabeza dividindo o montante global dos fondos entre o número de cabezas que cumpran as condicións de concesión, cun máximo de 200 cabezas por explotación.